Mbrëmjen e së dielës në aksin rrugor Lezhë-Shkodër ka ndodhur një atentat me armë zjarri.
Disa persona të paidentifikuar kanë qëlluar me breshëri automatiku prej mjetit të tyre tip BMW në drejtim të 40-vjeçarit Eno Nikulajt, i cili po lëvizte me mjetin e tij tip Benz. Eno Nikulaj është djali i xhaxhait të Ardian Nikulajt të vrarë në prill të këtij viti në Shëngjin me urdhër të Edmond Haxhisë.
Autorët kanë ardhur sipas të dhënave paraprake nga Lezha.
Automjeti i tyre ka qenë me targa të vjedhura: AB 138 HT. Këto targa janë vjedhur më 23 nëntor, para disa ditëve në zonën e Kombinatit në Tiranë.
Policia ka ngritur pika kontroli në të gjitha akset rrugore për kapjen e autorëve.
