Një ngjarje e rëndë ka ndodhur në Sarandë mbrëmjen e kësaj të marte. Tre minorenë të moshave 13 dhe 14 vjeç kanë marrë një makinë tip Benz dhe kanë nisur të bëjnë xhiro me të, por mjeti ka dalë nga rruga dhe ka përfunduar në një përrua.
Për pasojë, adoleshentët A.D. 14 vjeç, F.H. 13 vjeç dhe E.K. 14 vjeç kanë mbetur të plagosur. Njëri prej të miturve është në gjendje më të rëndë shëndetësore. Në vendin e ngjarjes kanë shkuar forcat e rendit të policisë Sarandë, si dhe një ambulancë, e cila ka transportuar minorenët në urgjencën e spitalit të qytetit.
Mediat raportojnë se 14-vjeçari me iniciale A.D., është në gjendje më të rënduar shëndetësore dhe sipas bluzave të bardha është i intubuar pasi dyshohet se ka goditje të rëndë në kokë. Nuk dihet se në çfarë rrethanash fëmijët kanë mundur të marrin një makinë. ©LAPSI.al
