Sipas mediave palestineze, të paktën 12 persona u vranë në spitalin indonezian në Gazën verior. Sipas raportimit, spitali u bombardua dhe u rrethua nga forcat izraelite. Mes viktimave kishte pacientë dhe njerëz që kërkonin strehim. Raportet lokale të lajmeve thonë se rryma në spital ka rënë dhe se forcat izraelite po qëllojnë këdo që përpiqet të largohet nga objekti.
Kina është e gatshme të punojë për të ndihmuar "për të rivendosur paqen në Lindjen e Mesme sa më shpejt të jetë e mundur". Këtë e bëri të ditur ministri i Jashtëm Wang Yi në fjalën e tij hapëse në Pekin gjatë takimit me një delegacion diplomatësh nga vendet arabe dhe me shumicë myslimane. Të pranishëm ishin ministrat e jashtëm të Arabisë Saudite, Jordanisë, Indonezisë, Egjiptit, Palestinës dhe sekretari i përgjithshëm i Organizatës së Bashkëpunimit Islamik.
