Pas vendimit të SPAK për ti bllokuar pasaportën dhe mbikqyrur lëvizjen, Ilir Beqaj ka dhënë dorëheqjen nga drejtimi i Agjencisë Shtetërore të Programit Strategjik dhe Koordinimit të Ndihmës, post që e mbante prej vitit 2021, dhe është larguar nga grupi negociator për integrimin e Shqipërisë në Bashkimin Europian, ku u bë pjesë në tetor të këtij viti. Me parw Beqja s kishte pranuar te merrte mandatin e deputetit ne zonen e Shkodres.
Për koncesionin e sterilizimit te paisjeve mjeksore që në start duhet të kushtonte 100 milion euro, është burgosur afaristi Ilir Rrapaj dhe ish-zv/ministri i Shëndetësisë Klodjan Rjepaj. "Arrest shtëpie" është vendosur për Saimir Kadiun drejtor ekonomik në Ministrinë e Shëndetësisë dhe Marsela Serjanaj drejtoreshë juridike po në këtë institucion.
LEXO ME TEJ:
Koncesioni i sterilizimit/ SPAK lëshon 8 urdhër-arreste
Kirurgu Arben Gjata, shef Kirurgjie dhe rektor i Universitetit të Mjekësisë është në detyrim paraqitjeje. E njëjta masë është vendosur për Naile Ajazin, Genc Byrazerin dhe Petro Mersinin, ish-drejtor i Përgjithshëm i Shërbimit spitalor në Ministrinë e Shëndetësisë. Akuzat që rëndojnë mbi ta, janë falsifikim dhe shpërdorim detyre.
©Lapsi.al
