Gjykata e Posaçme kundër Korrupsionit dhe Krimit të Organizuar ka përcaktuar seancën për marrjen në pyetje të ish-ministrit të Shëndetësisë, Ilir Beqaj. Seanca e marrjes në pyetje, është caktuar të hënë më datë 20 nëntor në orën 12:00.
Beqajt Gjykata e Posaçme Kundër Korrupsionit dhe Krimit të Organizuar i caktoi masën e sigurisë 'detyrim paraqitje' dhe 'ndalim të udhëtimit jashtë shtetit' nën akuzën e ''shpërdorimit të detyrës” për koncesionin e sterilizimit. Në një reagim ish-ministri shkruan se ka rezerva serioze për hetimin, por se nuk do të apelojë vendimin.
Njoftimi
Prokuroria e Posaçme kundër Korrupsionit dhe Krimit të Organizuar më datë 18.11.2023 ka paraqitur përpara Gjykatës kërkesën me objek: Marrjen në pyetje të personit nën hetim I.B. Bazuar në nenin 248 të K.Pr.Penale seanca gjyqësore për verifikimin e kushteve të zbatimit të masës dhe marrjen në pyetje do të zhvillohet në datë 20.11.2023 ora 12:00.
