Identifikohet personi i gjetur ditën e djeshme në Xarrë. Bëhet fjalë për Adnant Jaupi, 53 vjeç nga Elbasani, trupi i të cilit u gjet i dekompozuar në fshatin Xarrë. 53-vjeçari nga Elbasani punonte si çoban. Identifikimi u krye nga mjekësia ligjore pas hetimit nga policia e Sarandës. 53-vjeçari Adnant Kaupi kishte rreth 2-3 muaj që ishte zhdukur.
Nga hetimi nuk u konstatuan shenja goditjeje me mjete te forta apo shenja plumbi. Sipas burimeve mësohet se vdekja mund të ketë qenë për shkaqe natyrale. Fillimisht u dyshua se kufoma mund t’i përkiste njërit prej të zhdukurve në 7 prill të këtij viti, Leonard Thodhori dhe Fatmir Sulovari. Identifikimi i kufomës shton edhe më tepër shqetësimet e familjeve Thodhori e Sulovari që prej 8 muajsh nuk kanë asnjë informacion për jetën e njerëzve të tyre.
