Pëllumb Muçodemi, 44-vjeç ka rënë në prangat e policisë, pasi u kap duke shitur lëndë narkotike në afërsi të shkollave në Sarandë.
Gjatë operacionit “Tempulli”, janë sekuestruar 63 doza kanabis të gatshme për shitje. Lënda narkotike u sekuestrua në cilësinë e provës materiale.
Nga verifikimet e kryera ka rezultuar se 44-vjeçari, pasi siguronte lëndë narkotike kanabis, e ndante në doza, të cilat i shiste më pas në qytet, kryesisht në afërsi të shkollave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
