Gjykata e Posaçme ka rrëzuar kërkesën e ish-kryebashkiakut të Kukësit Safet Gjici për ndryshimin e masës së sigurisë. Pasi SPAK ka mbyllur hetimet është zbardhur dhe vendimi i cili dërgon dosjen për gjykim, ku përfshihet Gjici dhe Alma Kaçi.
Mbi të dy pandehurit rëndon akuza për veprat penale “korrupsion pasiv” dhe “korrupsion aktiv”.
Kujtojmë se Safet Gjici u arrestua në qershor të këtij viti, pas publikimit të një video-skandali në zyrën e tij së bashku me Alma Kaçin. Ngjarja kishte ndodhur disa javë më pas rizgjedhjes së tij në krye të bashkisë Kukës.
