Parajajmëri që bëri kryeministri grek Mitsotakis dha gjatë samitit të BE-së në Tiranë, kur tha se Athina mund të pengonte përparimin e Shqipërisë drejt BE-së për shkak të çështjes Beleri, me sa duket po bëhet realitet. Pas gazetës greke Kathemirini (lexo linkun poshtë) është media me qendër në Bruksel Euractiv që e bën të ditur këtë fakt.
"Greqia po bllokon një letër të 27 vendeve anëtare të BE drejtuar Komisionit Evropian për hapjen e pesë kapitujve të parë të procesit të anëtarësimit, konfirmoi një burim për Euractiv, duke shtuar se Athina po i bën presion Tiranës të tregojë kreativitet për të zgjidhur një krizë të vazhdueshme dypalëshe" shkruhej sot në një artikull që qendrontë në ballinën e këtij portali (foto lart).
LEXO ME TEJ:
Çështja Beleri/ Greqia ngrin negociatat e Shqipërisë
Më tej aty thuhet: "Gjatë fundjavës, u qarkulluan fjalë se Athina kishte refuzuar të mbështeste një letër që i kërkonte Komisionit të hapte pesë kapitujt e parë të negociatave. Një burim i Këshillit të BE-së, i afërt me këtë çështje konfirmoi për Euractiv se kjo është e vërtetë.
Andi Bushati: Paradoksi i të qenit pro Belerit dhe kundër Greqisë
Athina, sipas burimit, thekson se ka disa probleme në lidhje me shtetin et së drejtës, siç është rasti i zotit Beleri, si dhe zbatimi i disa ligjeve që kanë të bejnë me minoritetin grek në Shqipëri, si të drejtat e pronës. I njëjti burim theksoi se problem ka pasur edhe në regjistrimin e popullsisë, pasi janë raportuar raste kur pjesëtarët e minoritetit grek nuk janë pyetur për fenë apo gjuhën e tyre" shkruan kjo media.
Strategjia e Ramës/ Të qetësojë Athinën, pa liruar Belerin
Por ashtu siç njoftonte edhe e përditshmja greke kathimerini edhe në artikullin e nënshkruar nga Alice Taylor dhe Sarantis Michalopolous lihet të kuptohet se greqia nuk e ka mbyllur përfundimisht derën.
Bllokimi i negociatave/ Scholz kundër vendimit të Greqisë ndaj Shqipërisë
“Athina nuk po e mbyll derën [për anëtarësimin në BE], por disa çështje duhet të zgjidhen.... Burimi theksoi se pala shqiptare duhet të tregojë “kreativitet” në zgjidhjen e krizës me Belerin".
Për të parë më shumë VIDEO si kjo bëni një like për faqen e re në Facebook Lapsi Videos
Tensionet midis Greqisë dhe Shqipërisë janë ndezur që nga muaji maj, kur kandidati për kryetar bashkie, Fredi Beleri u arrestua dy ditë para zgjedhjeve lokale, si i dyshuar për blerje votash. Ai fitoi zgjedhjet në Himarë, por nuk ka mundur të betohet si kryetar bashkie për shkak të burgosjes së tij, pavarësisht apeleve për ta liruar.
Bllokimi i negociatave/ Scholz kundër vendimit të Greqisë ndaj Shqipërisë
Athina i ka bërë vazhdimisht thirrje Shqipërisë që ta lejojë atë të bëjë betimin, duke e cilësuar arrestimin si politik dhe duke paralajmëruar se kjo do të pengojë rrugën e integrimit evropian të Shqipërisë.
Kërcënimi i Mitsotakis në Tiranë: S’ka negociata me BE-në nëse nuk lejoni Belerin të betohet (VIDEO)
Por i ndodhur përballë këtyre kërcënimeve kryeministri Rama ka bërë indiferentin. Madje i pyetur në Real Story nëse mund të pengoheshin negociatat ai u përgjigj me ironi: "Po u penguan për Belerin, nami u bëftë".
©Lapsi.al
