Në prangat e policisë ka përfunduar Vullnet Koçi, 58 vjeç, banues në Durrës. Ky shtetas u kap duke transportuar me automjet kundrejt pagesës, 26 emigrantë. Mësohet se këta emigrantë po i ndihmonte në kalim të paligjshëm të kufirit, në drejtim të vendeve të BE-së.
Në cilësinë e provës materiale u sekuestrua automjeti furgon me të cilin po transportoheshin emigrantët e paligjshëm dhe 2 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
