Ministri kroat i Mbrojtjes, Mario Banoziç është përfshirë në një aksident mëngjesin e sotëm. Mësohet se automjeti me të cilin udhëtonte ministri është përplasur me një furgon. Për pasojë ka ndërruar jetë drejtuesi i këtij të fundit. Siç konfirmon policia kroate, aksidenti ndodhi sot në orën 06:15 në dalje nga Vinkovci, në drejtim të Zhupanjës.
Banoziç udhëtonte vetëm me makinë dhe dyshohet se aksidenti ka ndodhur kur ministri ka parakaluar një kamion në rrugë dhe është përplasur kokë me kokë me automjetin tjetër që po vinte përballë.
