Një aksident ka ndodhur mbrëmjen e sotme në Bulqizë në afërsi të mbikalimit. Dy automjete janë përplasur me njëra-tjetrën pranë mbikalimit. Mësohet se makina me drejtues Esmerald Nikën, 25-vjeç është përplasur me makinën me drejtues Ylli Rama. Nga aksidenti ka ndërruar jetë Esmerald Nika, ndërsa kanë mbetur të plagosur Ylli Rama dhe shtetasi D.S. Ky i fundit ishte pasagjer në makinë me Ylli Ramën.2 personat janë dërguar në spital në gjendje të rëndë.
Dyshohet se shkak i aksidentit është bërë shpejtësia tej normave të lejuara. Ende nuk dihen rrethanat e plota të aksidentit. Grupi hetimor është në vendngjarje dhe po punon për zbardhjen e plotë të ndodhjes së aksidentit.
