Një tjetër shqiptar u ekzekutua me armë zjarri në qytetin Guajakil në Ekuador mbrëmjen e kësaj të premteje. Viktima është identifikuar si Arjanit Rizaj, 53-vjeç. Ai është qëlluar përpara spitalit “Luis Vernaza”, ku kishte shoqëruar bashkëshorten e tij e cila po vizitonte babanë e sëmurë.
Vetë shqiptari po qëndronte brenda automjetit të tij të parkuar në oborrin e spitalit. Ngjarja ka ndodhur rreth orës 20:30 me orën lokale. Sipas mediave ekuadoriane, autorët kanë qenë dy persona që lëviznin me një motoçikletë të bardhë. Njëri prej tyre qëlloi disa herë dhe më pas u larguan në drejtim të paditur. Bashkëshortja e 53-vjeçarit shqiptar ka deklaruar për hetuesit se ajo e pa të gjithë skenën nga shumë pranë.
Siç duket edhe nga pamjet e publikuara në rrjetet sociale, kalimtarët e rastit janë munduar t’i japin ndihmë, por shqiptari nuk ka mundur të mbijetojë.
“Po i rrjedh gjak. Po vdes! Kujdesu për të! Thirrni policinë!” – dëgjohen të bërtasin disa persona. Sipas të dhënave, shqiptari ka marrë 9 plumba nga një armë zjarri e kalibrit 9 milimetra. Shumica të pranishmëve që kanë parë ngjarjen tragjike janë larguar të tmerruar.
https://twitter.com/NotiViralesEc/status/1723028403702366428?ref_src=twsrc%5Etfw%7Ctwcamp%5Etweetembed%7Ctwterm%5E1723028403702366428%7Ctwgr%5E240f045c46cf2246f9b11f562c56d938363b8339%7Ctwcon%5Es1_c10&ref_url=https%3A%2F%2Flapsi.al%2F2023%2F11%2F10%2Fkujdes-pamje-te-renda-si-u-ekzekutua-ne-atentat-shqiptari-ne-ekuador%2F
Disa të tjerë i janë afruar viktimës dhe kanë tentuar ta ndihmojnë. E kanë zbritur nga makina dhe e kanë çuar në derën e urgjencës, por pasi nuk ka marrë vëmendje e kanë transferuar në një shtëpi të kujdesit ku vdiq ku 53-vjeçari ndërroi jetë pas pranimit.
https://twitter.com/MinMedio/status/1722812279471644977?ref_src=twsrc%5Etfw%7Ctwcamp%5Etweetembed%7Ctwterm%5E1722812279471644977%7Ctwgr%5E1ec825a7bcb5dc08d15193f27412a5ed4328577f%7Ctwcon%5Es1_c10&ref_url=https%3A%2F%2Fwww.extra.ec%2Fnoticia%2Factualidad%2Fguayaquil-ciudadano-albanes-asesinado-frente-hospital-luis-vernaza-94002.html
Bashkëshortja e viktimës u tha hetuesve se ai nuk punonte, pasi nuk ishte i legalizuar në Ekuador. Sipas saj, ai ndihmohej me para nga Shqipëria ose nga një vëlla që kishte me banim në Kanada. Ajo tha se nuk e kishte idenë për arsyet e vrasjes.
Vrasja ndodhi në të njëjtën ditë kur u arrestua Dritan Rexhepi, kreu i kompanisë “Bello”. Me një histori të gjatë në Ekuador, ai u arrestua nga policia turke në një kompleks rezidencial në Stamboll. ©LAPSI.al
