Instituti i Mjekësisë Ligjore ka kryer aktin e ekspertimit për 3-vjeçaren e cila u dhunua disa ditë më parë nga edukatorja në një kopsht privat në Tiranë. Ekspertimi është kryer më 8 nëntor dhe po ditën e djeshme i është dërguar Prokurorisë së rrethit Gjyqësor Tiranë.
Ndërkaq, Prokuroria e Tiranës ka vënë në hetim edukatoren Mjalinda Dehima, si edhe 3 policë janë pezulluar nga detyra pasi nuk kanë këqyrur si duhet pamjet e kamerave. Mësohet se ky kopsht ka qenë pa licencë, gjithashtu pronari ka fshehur të ardhurat e përfituara nga ky aktivitet. Ngjarja e rëndë ka ndodhur më 1 nënor. Prindërit e vajzës kanë deklaruar se janë njoftuar nga kopshti në orën 15:00, por dhuna dyshohet se ka ndodhur rreth orës 10:20 të mëngjesit.
