Moti i keq i mëngjesit të sotëm ka sjellë probleme në disa zona të vendit. Në qarkun e Lezhës për shkak të reshjeve përroi i Zmejës në Mirditë ka dalë nga shtrati duke përmbytur shtëpi, toka bujqësore dhe vreshta në fshatin Tarazh.
Raportohet se është bllokuar aksi Skuraj-Burrel për shkak të rënies masive të gurëve. Mirëmbajtësit e rrugës janë duke punuar për pastrimin e saj dhe kthimin në normaliteti. Po ashtu Zjarrfikësit dhe Emergjencat Civile ndodhen në terren. Në zonë ka patur edhe ndërprerje të furnizimit me energji elektrike.
