Kryetari i PD-së, Sali Berisha, është pyetur në veçanti nga mediat se si e gjykon ai veprimtarinë e SPAK-ut dhe hetimet që ka nisur kohët e fundit në shumë drejtime. Lidhur me këtë institucion të drejtësisë kryetari i opozitës, Sali Berisha tha:
"Edhe unë kam informacione që SPAK po heton çështjen McGonigal. Por të besosh se po e heton për të fajësuar Edi Ramën, duhet t’i besosh rrethit katror! E hapën hetimin përpara se të merrej në pyetje nga FBI, Edi Rama- pastaj këtu nënkuptohet që një kërkesë ka ardhur për këtë dhe nuk mund të refuzojnë, apo e hapën hetimin sepse e dinë se do kërkohet kontributi i tyre, se në shkurt është procesi, por të garantoj që në çdo rast, ata janë të aftë, siç e faktoi procesi politik ndaj meje, të fshehin dokumente, të falsifikojnë realitete, për të mbrojtur Edi Ramën." - u shpreh Sali Berisha.
