Situata në një spital në Gaza po përkeqësohet çdo ditë dhe më shumë, pasi furnizimet po mbarojnë, bombardimet izraelite vazhdojnë dhe njerëzit detyrohen të përdorin karrocat e gomarëve për të transportuar të plagosurit.
Në veri të Gazës dhe qytetit të Gazës, bombardimet izraelite kanë vazhduar gjatë natës në zona të ndryshme, veçanërisht në anën perëndimore të qytetit të Gazës dhe kampin e plazhit, shkruan Sky News.
Sipas thirrjeve nga njerëzit në Gaza, situata në spitalin Shifa sa vjen e përkeqësohet, ku uji dhe ushqimi janë të kufizuar, ndërsa njerëzit kanë filluar të vdesin nga uria.
Gjtithashtu raportohet se ata nuk mundin as të lëvizin për shkak të bombardimeve të forta përreth spitaleve, veçanërisht spitalit al Quds në Tel al Hawa. E njëjta gjë thuhet se po ndodh edhe në vende të tjera si në zonën e mesme të Rripit të Gazës dhe në jug, ku dëgjohen zhurmat e përleshjeve gjatë natës dhe zhurmën e bombardimeve.
Çështje tjetër problematike në Gazë është mungesa e karburantit,ku njerëzit kanë filluar të përdorin karrocat e gomarëve për t'i çuar të plagosurit në spital ose trupat e pajetë në varreza. Gjithashtu, furrat e bukës në Gaza po vuajnë nga një mungesë e madhe karburanti. Edhe nëse përpiqen të përdorin energjinë diellore, atyre u duhet më shumë kohë për të përballuar numrin e njerëzve që vijnë për të marrë bukë.
