Prokuroria e Posaçme ëhtë duke hetuar kryetarin e Bashkisë së Këlcyrës, Klement Ndoni.
Mësohet se sot në pyetje është marrë një tjetër qytetare, për të cilën ka dyshime se i është ofruar mbështetje në formë ryshfeti kundrejt votës për kryebashkiakun në 14 maj. Kujtojmë se një i moshuar 75-vjeçar u paraqit të mërkurën e kaluar në SPAK për t’u marrë në pyetje.
Procedimi penal nr. 178 i vitit 2023 për të cilën ndodhet nën hetim Ndoni nga prokurori Ols Dado ka të bëjë me dyshimet për krime zgjedhore, të denoncuar edhe nga qytetarë të Këlcyrës.
