Bombardimet e pamëshirshme të Gazës nga Izraeli kanë dëmtuar gjysmën e njësive të banimit të enklavës së rrethuar dhe kanë zhvendosur 70 për qind të popullsisë së saj, njoftuan zyrtarët palestinezë.
Sipas zyrës së medias së pushtetit vendor, rreth 165 mijë njësi banimi janë dëmtuar, të paktën 20 mijë prej tyre janë shkatërruar plotësisht ose janë të papërshtatshme për banim.
Bombardimet, si dhe urdhrat e detyrueshëm të zhvendosjes nga ushtria, kanë detyruar të largohen 1.5 milionë njerëz nga shtëpitë e tyre.
Zyra e qeverisë për media shtoi se ata po qëndrojnë në 220 strehimore në të gjithë Gazën, si dhe me familjet dhe miqtë.
“Kjo katastrofë humanitare po ndodh para syve dhe veshëve të të gjithë botës, pa bërë askush asgjë për të ndaluar agresionin brutal dhe krimin e gjenocidit kundër popullit tonë,” tha Salamah Marouf, zëdhënësi i zyrës së mediave me bazë në Gaza. .
Numri i të vdekurve në Gaza është rritur në 4,651 dhe më shumë se 14,245 të plagosur, sipas Ministrisë palestineze të Shëndetësisë në Gaza. Më shumë se 70 për qind e të vrarëve janë fëmijë, gra dhe të moshuar.
Ushtria izraelite ka vrarë të paktën 1,873 fëmijë palestinezë në brezin e rrethuar që nga fillimi i konfliktit në vazhdim më 7 tetor, sipas të dhënave të fundit të publikuara nga Ministria e Shëndetësisë palestineze.
