Tridhjetë e dy shtetas amerikanë kanë vdekur në Izrael dhe 11 mbeten të pagjetur, tha të enjten zëdhënësi i Departamentit të Shtetit të SHBA, Matt Miller. Numri i të vdekurve është rritur me një që nga përditësimi i fundit nga zyrtarët amerikanë.
Miller nuk tha se sa nga të pagjeturit besohet se mbahen peng nga Hamasi, por tha se sigurimi i lirimit të tyre mbetet një prioritet kryesor.
“Për sa i përket punës sonë për të siguruar lirimin e pengjeve, ajo punë është duke vazhduar”, tha Miller në një konferencë, duke vënë në dukje se “vetë sekretari ishte i fokusuar në të ndërsa ne ishim në rajon”.
Ndërkohë, numri i të vdekurve nga luftimet e përgjakshme mes Izraelit dhe Hamasit e ka kaluar shiftën e 5 mijë viktimave.
Ministria e Shëndetësisë në Gaza njoftoi se 3 mijë e 785 persona kanë humbur jetën në Gaza si pasojë e bombardimeve izraelie, ndërkohë që ministria e Izraelt ka njoftuar se rreth 1 mijë e 400 persona kanë humbur jetën nga bombardimet e grupit militant palestinez.
Numri i viktimave nga të dyja palët tashmë ka arritur në 5 mijë e 185 persona që nga 7 shtatori kur Hamasi nisi një sulm masiv me raketa drejt Izraelit i cili u kundërpërgjigj menjëherë.
Viktimat në Gaza, sipas autoriteteve janë shumica fëmijë, 1 mijë e 524 të tillë e ndërsa 1 mijë gra mendohet të jenë vrarë nga bombardimet izraelite në zonat e banuara. Pjesa tjetër, rreth 200 viktima janë të moshuar, sipas Ministrisë së Shendetësisë gaziane.
