Gazetarja e Radio Evropa e Lirë, ruso-amerikanja Alsu Kurmasheva është arrestuar në Kazan të Rusisë pasi vizitoi familjen e saj.
Ajo u arrestua të mërkurën dhe u akuzua për dështimin e regjistrimit si agjente e huaj, gjë që mund të çojë deri në pesë vite burg. Kjo nuk është hera e parë që Kurmasheva arrestohet pasi më 2 qershor të këtij viti nra në prangat e Policisë.
Alsu Kurmasheva, e cila ka shtetësi amerikane dhe ruse, punon për shërbimin Tatar-Bashkir të Radios Evropa e Lirë. Tatarishtja dhe Bashkirja janë gjuhë të lidhura ngushtë që fliten nga popujt indigjenë në dy rajone qendrore ruse.
Sipas Radios Evropa e Lirë, zonja Kurmasheva, e cila jeton në Republikën Çeke, udhëtoi për në Kazan në fund të majit për një emergjencë familjare. Ajo u ndalua teksa priste fluturimin e kthimit dhe iu konfiskuan pasaportat ruse dhe amerikane.
