Një konflikt mes 3 personave ka ndodhur ditën e djeshme në Domje të Vorës, ku është përdorur edhe armë zjarri.
Policia njofton se mbrëmjen e 16 Tetorit, 26-vjeçari me iniciale L.L. gjatë konfliktit me 2 vëllezër, përkatësisht 34-vjeç dhe 29-vjeç, ka qëlluar në ajër me armë zjarri në afërsi të banesës së 2 vëllezërve.
Specialistët për Hetimin e Krimeve të Komisariatit të Policisë Nr. 7 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe po punojnë për kapjen e 26-vjeçarit.
