Kryeministri Edi Rama ka nisur konferencën me presidentin Macron duke u shprehur i lumtur që ishte krah tij në Tiranë. Rama u kujdes të nënvizonte se ndonëse në gjuhë protokolli mbiemri ‘i lumtur’ përdoret shpesh, ai e përdor atë në raste të sinqerta e të mëdha.
"E nis me një fjali në frëngjisht, për t’u kërkuar delegacionit tuaj se do më duheshin 3 ditë për të zgjedhur konfliktet ballkanike, sepse më është dëmtuar nga anglishtja. Jam besimplotë se me gjithë këtë shtysë që na kanë dhënë sot për të patur kontakte shumë më të ngushta mes dy vendeve, nesër frëngjishtja ime do të jetë më e bukur se sot.
Në protokollin diplomatik, fjala i lumtur përdoret shpesh. E vërteta është se sa herë unë gjendem në një situatë si kjo kur duhet shprehur kënaqësi për praninë e një miku të çmuar e evitoj fjalën i lumtur që sugjeron ministria e jashtme dhe them i kënaqur. Por sot dëshiroj ta them se jam i lumtur, shumë i lumtur që jam në krah te presidentit të Francë, jo në Paris, jo në një qytet të Europës, por në Tiranë. Kjo vizitë është angazhim për t’i thelluar më tej marrëdhëniet mes Francës dhe Shqipërisë, që kanë njohur një zhvillim të papritur, por edhe të shumëpritur si rezultat i një riangazhimi të Francës në rajon", tha Rama.
