Eksperti amerikan dhe njohësi i çështjeve të Ballkanit, Daniel Serwer e ka cilësuar të njëanshëm qëndrimin e BE-së për çështjen e Kosovës. Ai iu referua deklaratave të fundit të zëdhënësit të BE-së, Peter Stano lidhur me sulmin terrorist serb në veri të Kosovës duke e akuzuar BE-në se është bërë kundërshtare e sovranitetit dhe integritetit territorial të Kosovës dhe se dëshiron të kufizojë dislokimin e policisë në veri.
“BE-ja është bërë de facto kundërshtare e sovranitetit dhe integritetit territorial të Kosovës. Ajo dëshiron të kufizojë dislokimet e policisë në përgjigje të një kërcënimi të qartë dhe aktual, si dhe të krijojë një strukturë të veçantë qeverisëse për popullatën serbe, të paktën në veri”, - ka shkruar Serwer në faqen Peacefere.net në “X”.
Më pas profesori i Universitetit amerikan “John Hopkins”, ka shkruar se SHBA-të po mbështesin BE-në, në vend që të jenë më të ashpra me Serbinë.
“Por as BE dhe as SHBA nuk kanë treguar ndonjë vullnet për të bllokuar ambiciet e Serbisë, siç tregohet nga dështimi për të reaguar ndaj tentativës së kryengritjes së Beogradit”, - ka shkruar Serwer. Profesori amerikan ka qenë mjaft aktiv me komentet e tij pas sulmit terrorist në Banjskë. ©LAPSI.al
https://twitter.com/DanielSerwer/status/1712127728382607629?ref_src=twsrc%5Etfw%7Ctwcamp%5Etweetembed%7Ctwterm%5E1712127728382607629%7Ctwgr%5E132ba7a045ac339deefd1acc363158898a907eb3%7Ctwcon%5Es1_c10&ref_url=https%3A%2F%2Fdosja.al%2Fbota%2Fmbajti-anen-e-serbise-serwer-be-ja-eshte-bere-kundershtare-e-sovranitetit-d-i331255
LEXO EDHE: Shqiptarët dhe konflikti në Gaza/ Çfarë thonë Lubonja, Blushi, Mehmeti dhe Qori
