Joshko Çervenkovski, për të cilin bashkëpunëtori i drejtësisë Luftar Reçi ka deklaruar se ka qenë montues i minës që i mori jetën biznesmenit Vajdin Lame e Artan Arsit, rikthehet sërish në SPAK për t'u marrë në pyetje.
Një ditë më parë ai u paraqit në seancën ndaj Emijano Shullazite e Viktor Imerit, teksa ndalimi i tij u bë në Rinas të hënën. Ai kërkohej nga Prokuroria Posaçme si dhe nga avokatët e të pandehurve për t'u pyetur në cilësinë e dëshmitarit, madje është dërguar edhe letërporosi. Të martën ai nuk u lejua të dëshmonte pasi avokatët e të pandehurit pretenduan se e kanë kërkuar të pyetet me letërporosi duke e cilësuar të dyshimtë rrethanat në të cilat u paraqit në gjykatë.
[video width="848" height="480" mp4="https://cdnimpuls.com/lapsi.al/wp-content/uploads/2023/10/WhatsApp-Video-2023-10-11-at-10.20.09-1.mp4"][/video]
Pas vendimit për shtyrjen e seancës, Çervenkovski ngjiti shkallët e SPAK për t'u pyetur të martën, teksa ai u rikthye sërish këtë të mërkurë në prokurori. Kjo e fundit nuk ka një koment mbi rrethanat dhe cilësinë në të cilën e ka pyetur, teksa maqedonasi u largua me një automjet me targa të vendit të tij.
