Një avion me dhjetëra udhëtarë në bord, ku përfshihen qytetar nga Kosova dhe Shqipëria, është ulur në Podgoricë pas fluturimit nga Izraeli të martën në mëngjes. Ministria e Punëve të Jashtme e Malit të Zi njoftoi në rrjetin social X se “101 pasagjerë mbërritën në Podgoricë nga Izraeli, nga vende si Mali i Zi, Shqipëria, Kroacia, Maqedonia e Veriut, Kosova, Shtetet e Bashkuara të Amerikës, Sllovenia, Serbia dhe Suedia”. Më 9 shtator, avioni embraer 195 i kishte dërguar në Izrael 116 turistë izraelitë që po qëndronin në Mal të Zi. Fluturimi i evakuimit për në Podgoricë u krye në orën 03:17 të mëngjesit të sotëm.
Pas përcaktimit të listës së shtetasve malazezë që aplikuan për kthim, lista e pasagjerëve u zgjerua duke përfshirë pasagjerët që prisnin evakuimin nga disa vende të tjera dhe në komunikim me autoritetet e atyre vendeve.
Izraeli shpalli gjendje lufte pasi u sulmua nga militantët palestinezë të Hamasit më 7 tetor. Si kundërpërgjigje, ushtria izraelite filloi të bombardonte Rripin e Gazës. Më shumë se 1.600 njerëz u vranë nga të dyja shtetet.
