Rreth 2.000 njerëz kanë vdekur pas tërmeteve në Afganistan, sipas talebanëve, raporton Sky News. Shifra është një rritje e konsiderueshme nga të shtunën kur OKB dha një shifër paraprake prej 320 viktimash. Afganistani u godit dje nga një tërmet me magnitudë 6.3, sipas Shërbimit Gjeologjik të SHBA.
Epiqendra ishte rreth 25 milje në veriperëndim të qytetit të Heratit dhe u pasua nga tre pasgoditje të forta, me magnitudë 6.3, 5.9 dhe 5.5, raportoi USGS. Një zëdhënës i autoritetit kombëtar të Afganistanit për fatkeqësitë tha se katër fshatra në Herat janë goditur më së shumti nga tërmetet.
Në qershor të vitit të kaluar, një tërmet i fuqishëm goditi Afganistanin lindor duke vrarë të paktën 1,000 njerëz dhe duke plagosur rreth 1,500 të tjerë.
