Një i ri australian u përpoq të kalonte Oqeanin Paqësor me një varkë të bërë vetë është shpëtuar nga një anije lundrimi pasi varka e tij u përmbys. Tom Robinson, 24 vjeç, shpresonte të bëhej personi më i ri që do ta përfundonte këtë sukses këtë sfidë.
Përpjekja e Robinson për të thyer rekordin filloi kur ai u nis nga Peruja në korrik të vitit të kaluar. Ai shpresonte të mbërrinte në Cairns, Australi, deri në dhjetor. Ai u gjet pa rroba, i ulur mbi varkën e përmbysur, 100 milje detare në jug-perëndim nga bregu i Vanuatu, një shtet në Oqeani.
Mediat lokale thanë se ai u trajtua në bordin e anijes për djegie nga dielli dhe dehidrim, por tashmë është në gjendje të mirë shëndetësore. Ai ishte në pjesën e fundit të udhëtimit të tij, pasi u largua nga qyteti i Luganville në Vanuatu.
Nuk është ende e qartë se çfarë e shkaktoi përmbysjen e varkës së tij të enjten në mbrëmje, por ai ndezi një sinjal të fatkeqësisë emergjente gjë që lajmëroi autoritetet. Të premten në mëngjes Robinson u nxor nga uji dhe u ngjit me një shkallë litari në kuvertën e anijes. Mediat lokale thonë se anija kishte bërë një devijim me 124 milje për të ndihmuar me shpëtimin.
Në një deklaratë, Robinson falënderoi ekuipazhin e anijes. Tamu Tapaitau, një anëtar i ekipit që e ndihmoi tha se anija e lundrimit po shkonte për në Auckland në Zelandën e Re dhe prej andej Robinson do të fluturonte në shtëpi për në Brisbane. ©LAPSI.al
