Një aksident ka ndodhur mbrëmjen e sotme në fshatin Pobrat në bashkinë Dimal. Një motoçikletë, me targa BT033, ka dalë nga rruga dhe pasi ka rrëshkitur disa metra zvarrë në çakull ka përfunduar jashtë rruge. Si pasojë e aksidentit është plagosur rëndë drejtuesi i mjetit, Marinel Kaja, 18-vjeç, i cili qarkullonte i vetëm dhe pa kokore mbrojtëse.
18-vjeçari është transportuar fillimisht drejt Spitalit Rajonal Berat dhe për shkak të gjendjes së rëndë është transportuar drejt Spitalit të Traumës në Tiranë, me dëmtime të shumta në kokë.
Efektivët e policisë, që kryen edhe kqyrjen e vendit të aksidentit, kanë konfirmuar se shkak është bërë shpejtësia me të cilën qarkullonte motoçikleta në kthesë, ku edhe ka humbur kontrollin.
