Një ngjarje e rëndë ka ndodhur në Tiranë ku ka humbur jetën një foshnjë 8-muajshe. Mësohet se foshnja ishte shtruar në spitalin e Shkodrës dhe më pas është sjell në Tiranë.
Burime bëjnë me dije se në spitalin e Shkodrës foshnja ka qëndruar për një ditë dhe më pas është sjell në kryeqytet,
Sakaq familjarët kanë bërë kallëzim në Prokurorinë e Shkodrës për neglizhencë nga ana e mjekëve. Foshnja, ka ndërruar jetë në intubim. Po ashtu mësohet se kishte nevojë për transplant zemre.
Ngjarja mësohet se ka ndodhur rreth dy javë më parë, kur i mituri është dërguar në spitalin e Shkodrës dhe më pas spitali i Shkodrës e ka dërguar në Tiranë. Në spitalin e fëmijëve në Tiranë, foshnja është intubuar, por nuk ia ka dalë.
Pas denoncimit të prindërve, policia dhe prokuroria kanë nisur hetimet dhe kanë sekuestruar kartelën mjekësore të fëmijës.
