Prokuroria e Tiranës ka nisur hetimet për ngjarjen e rëndë të raportuar ditën e djeshme, ku 3-vjeçari ka humbur jetën pas një operacioni në një klinikë dentare private në kryeqytet.
Mësohet se Prokuroria ka sekuestruar kartelat në klinikën private ku është kryer operimi dhe kartelën në QSUT ku djali është dërguar në gjendje kome. Familjarët ngrenë pretendime se fëmija ka humbur jetën nga doza e lartë e anestezisë, ndërkohë mjeku anestezist Roland Xhaxho ka mohuar se ngjarja ndodhi për shkak të mjekimit të gabuar.
