Gazment Bardhi, kërkon mbajtjen e një seance urgjente në Kuvend për mocion me debat dhe miratimin e rezolutës për situatën në Kosovë.
Nga Konferenca e Kryetarëve, ku po diskutohen mbi dy projektrezolutat, ajo e PD dhe e PS-së, Bardhi theksoi se është urgjente që të zhvillohet mocion me debat.
Gjithashtu, Bardhi u shpreh se përgjegjësia është e Serbisë dhe duhet menjëherë një hetim ndërkombëtar për situatën e Kosovës.
Bardhi solli si argument sot qëndrimin e Kroacisë që është në NATO dhe ka një qëndrim më të ashpër se Shqipëria.
“Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar.”-është shprehur Bardhi.
PS propozon që rezoluta dhe mocioni me debat të mos jenë urgjente.
Nikolla: Propozoj që debati bashkë me rezolutën të bëhen më 19 tetor.
Çuçi: Nuk mund të nxitojmë. Çdo rezolutë duhet të mbajë ndër mend pozicionin e Shqipërisë që ka në NATO dhe në çdo organizëm. Data mund të rishikohet që të jetë më shpejt, ndoshta të enjten e seancës. Por të hënën nuk mund ta bëjmë dot.
Tabaku: Shembullin për rezolutë të përbashkët na e dha Kosova. Nuk e kemi kompleks. Rëndësi ka vullneti, mund ta arrimë edhe të hënën.
