Në pamjet që shikoni është ajo çfarë ka mbetur nga masivi pyjor i Pishporos dhe Darzezës.
Për gati 9 ditë flakët dolën jashtë kontrollit duke shkrumbuar sipërfaqe të tëra pyjore në këtë zonë.
Ndërhyrja e zjarrfikëseve ka qenë thuajse e pamundur për shumë arsye, siç është terreni i vështirë por edhe mungesa e pajisjeve. Në luftë me flakët, ata janë parë për ditë të tëra me degët e pishave në duar.
Po ashtu, raportohet se asnjë prej helikopterëve që disponojnë Forcat e Armatosura nuk janë ngritur në ajër, pasi ndodhen në remont.
Në ndihmë vendit tonë i ka ardhur Greqia që ka dërguar dy avionë “Canadair” përmes mekanizmit të emergjencave të Bashkimit Europian.
