Zëvendës kryeministrja e Kosovës, Donika Gërvalla ka folur lidhur me deklaratat e fundit të kryeministrit Edi Rama. E ftuar në "Top Story" në Top Channel, ajo tha se para se të japë rekomandime për ndërkombëtarët Rama dhe çdokush tjetër në Shqipëri duhet të konsultohet me politikanët e miqtë nga Kosova.
“Unë nuk kam motër, ashtu si Kosova dhe Shqipëria, do të mendohesha mirë para se të jepja këshilla. Kosova nuk ka partnerë më të afërt se sa Shqipëria. Është e vështirë të pranosh që kryeministri shqiptar mendon ndonjëherë ndoshta edhe më mirë se sa përfaqësuesit e zgjedhur të qeverisë së Kosovës. Kosova ka dëshmuar ditën e dielë që është përgjegjëse të mbrojë sovranitetin e saj në çdo cep. Kryeministri shqiptar apo kushdo tjetër në Shqipëri para se të japë rekomandime që i drejtohen botës, duhej të këshillohej me politikanë e miq, që të nxirrte konkluzione. Gjë që nuk ka ndodhur, nuk kemi pasur kontakt lidhur me këtë ”, u shpreh Gërvalla.
