Të shtëna me armë zjarri janë dëgjuar mëngjesin e sotëm në qendër të Rrëshenit. Ngjarja ka ndodhur pranë spitalit të qytetit rreth orës 10:40 minuta.
Raportohet se i vrarë ka mbetur shtetasi Martin Bardhi. Policia ka ngritur grupe kontrolli për kapjen e personave ende të paidentifikuar që qëlluan me armë zjarri ndaj viktimës.
Viktima ishte arrestuar në mars të 2023 pasi u akuzua se kishte tentuar të vriste nipin e Kastriot Reçin, Saimir Reçi, ndërsa në kërkim u shpall djali i tij Enrik Bardhi. Dyshimet paraprake janë se ngjarja ka ndodhur për shkak të hasmërisë ku mund të jetë përfshirë Martin Bardhi.
