Një 15-vjeçar është aksidentuar rëndë ndërsa i jepte biçikletës në aksin rrugor Bulqizë-Fushë Bulqizë. Nga policia mësohet se i riu është evidentuar nga kalimtarët e rastit. Ata kanë njoftuar menjëherë ambulancën dhe policinë. 15-vjeçari është transportuar fillimisht në spitalin e Bulqizës ku i është dhënë ndihmën e parë. Më pas mjekët kanë vendosur të niset në Spitalin e Traumës pasi gjendja e tij është rënduar.
Autoritetet kanë vendosur në dispozicion helikopterin për të bërë të mundur transportimin e 15 vjeçarit. Ndërkohë policia është angazhuar për të zbardhur rrethanat e aksidentit.
