Një aksident me pasojë lëndimin e dy personave u shënua mëngjesin e sotëm në aksin rrugor Lezhë-Shkodër, ku një automjet është përplasur me një kamper të një çifti gjerman. Mësohet se ngjarja ka ndodhur në afërsi të fshatit Mabe, ku një mjeti tip ‘Audi’ dhe një kamper janë përplasur me njëra-tjetrën.
Për pasojë dy vajzat kanë mbetur të plagosura dhe janë dërguar për ndihmë mjekësore në spitalin rajonal të Lezhës, ndërsa çifti i turistëve nga Gjermania nuk kanë marrë lëndime.
Ambulanca, policia dhe zjarrfikësit kanë shkuar në vendin e ngjarjes, ndërsa po hetohet për rrethanat e aksidentit.
