Prokuroria ka mbyllur hetimet për 4 ekstremistët që akuzohen për nxitje dhe pjesëmarrje në organizatë terroriste dhe çon për gjykim dosjen.
Ka shkuar për gjykim dosja për; Almir Dacin, Shkëlzen Dumanin, Mehdi Manallarin dhe Shyqyri Kacën, edhe pse në mungesë.
[video width="848" height="480" mp4="https://cdnimpuls.com/lapsi.al/wp-content/uploads/2023/09/xxxxxxxxxxxx.mp4"][/video]
Në seancë kanë marrë pjesë edhe disa gra që kanë qenë në Siri, të cilave i është komunikuar akuza.
Almir Dacit, Shkelzen Dumanit, Mehdi Manallarit dhe Shyqyri Kaca akuzohen se rekrutonin luftëtarë për në Siri. E teksa tashmë nis gjyqi për personat në fjalë, mediat pak vite më parë kanë raportuar se Shkëlzen Dumani dhe Almir Dazi janë vrarë në Siri, por gjykata dhe prokuroria nuk kanë akt-vdekje, e për këtë arsye merren të pandehur.
Shkëlzen Dumani u vra në luftë në Siri. Në Siri ai mori me vete dhe fëmijët e tij Endri Dumanin dhe Eva. Vogëlushi Endri Dumani arriti të shpëtohej dhe të kthehej në Shqipëri nga riatdhetësimi i mundësuar nga Shqipëria, ndërsa nuk dihet shumë për fatin e Evës.
Po ashtu Almir Daci, ish-imami i xhamisë në Leshnicë të Pogradecit, është vrarë gjatë luftimeve në Siri.
Kujtojmë që në lidhje me këtë grup që rekurtonte qytetarë drejt Sirisë, hetimet nisën vite më parë nga Prokuroria e Krimeve të Rënda. Kujtojmë që në krye të grupit që rekurtonin luftëtarë për në Siri. Në krye të këtij grupi qëndroni imamët Genci Balla dhe Bujar Hysa. Imamët e vetëshpallur, Genci Balla dhe Bujar Hysa, të cilët janë arrestuar që në mars të 2014 akuzohen për rekrutim të luftëtarëve për t’i dërguar në Siri.
