Pavarësisht të gjithë argumenteve të dhëna nga mbrojtja për shkelje të Kushtetutës nëse pranohej ekstradimi i ish-luftëtarit të UÇK-së, Dritan Goxhajt, Gjykata e Tiranës pranoi kërkesën e Prokurorisë Speciale te Kosoves dhe i hapi rrugë dërgimit të tij në Gjykatën e Hagës për t’u përballur akuzën e intimitimit të dëshmitarëve.
Avokatët kundërshtuan ekstradimin, duke renditur 4 argumente që lidhen me shkelje ligjore në procedurën e inicuar nga Prokuroria Speciale.
Për mbrojtjen, argumenti kryesore që do të duhet të rrëzonte kërkesën për ekstradim është fakti se Gjykata Speciale është krijuar nga një rezulutë e Asamblesë Parlamentare të Këshillit Evropian, e cila është tërësisht politike dhe e bazuar në fakte të pavërteta.
Më tej ata listojnë mungesën e një kërkesë ekstradimi nga Ministria e Drejtësisë së Kosovës, si dhe faktin që Goxhaj, do të duhet të dërpohet në Holandë, shtet me të cilin nuk kemi një marrëveshje ekstradimi dhe jo në Kosovë.
