Gjykata Speciale e Brukselit ka dënuar Salah Abdeslam dhe Mohamed Abrini me përkatësisht 20 dhe 30 vjet burg, të shpallur fajtorë për sulmet terroriste të 22 marsit 2016 në kryeqytetin belg. Dënimi u dha nga kryetari i Gjykatës së Assizes, Laurence Massart.
Për gjashtë të pandehurit e tjerë të shpallur fajtorë në korrik, katër për vrasje terroriste dhe dy për pjesëmarrje në akte terroriste, dënimet janë: burgim i përjetshëm për Oussama Atar në mungesë (sepse ai kishte vdekur), Osama Krayem dhe Bilal El Makhoukhi; 20 vjet për Sofien Ayari dhe Ali El Haddad Asufi; 10 vjet për Hervé Bayingana-Muhirëa.
Çfarë ndodhi me 22 mars 2016?
Më 22 mars 2016, dy burra hodhën veten në erë në sallën e nisjeve të aeroportit Zaventem dhe një terrorist i tretë, një orë më vonë, në një tren metroje në stacionin Maelbeek. Si pasojë e shpërthimeve,32 persona humbën jetën dhe mbi 300 u plagosën.Tre vdekjet e mëvonshme të lidhura me shpërthimet, e çuan numrin e viktimave në 35, të cilëve u janë shtuar edhe tre terroristët vetëvrasës. Salah Abdeslam e ka mohuar gjithmonë përfshirjen e tij, duke pretenduar se ditën e ngjarjeve ai ishte në burg pasi u arrestua më 18 mars 2016 në Molenbeek.
