Ministeriali i ministrave të brendshëm do të vijnë në Tiranë në kuadër të procesit të Berlinit, ku pjesë e delegacionit të përfaqësuesve të shteteve evropiane është edhe ministri i mbrojtjes së qytetarit, i Greqisë, Yannis Oikonomou.
Krahas pjesëmarrjes në Konferencën në kuadër të Procesit të Berlinit ditën e sotme, Yannis Oikonomou, më 15 shtator, pritet të vizitojnë kryebashkiakun e zgjedhur të Himarës, Fredi Belerin, i cili ndodhet në burg, raportojnë mediet greke.
Axhenda e Yannis Oikonomou sipas medieve greke:
10:20- Takim me Ministrin e Brendshëm të Shqipërisë, Z. Taulant Balla
-12:30- Takim me Kryepeshkopin e Tiranës, Durrësit dhe gjithë Shqipërisë, z. Anastasio
-14:00-18:00- Konferenca Ndërministrore
Seksionet e konferencës janë si më poshtë:
-Menaxhimi i integruar i kufijve në Ballkanin Perëndimor
-Bashkëpunimi rajonal në luftën kundër krimit të organizuar
-Bashkëpunimi kibernetik në Ballkanin Perëndimor
E premte 15 shtator:
11:00-Vizitë në burgjet e Durrësit dhe takim me Fredi Beleri
Arrestimi i Fredi Belerit më 12 maj dhe mbajtja e tij në paraburgim ka sjellë acarim në marrëdhëniet mes Tiranës dhe Athinës. Për çështjet e Belerit është angazhuar edhe qeveria greke e cila e quan arrestimin të paligjshëm e politik.
