Një 54-vjeçar është arrestuar në Fier pasi shiste drogë në lokalin e tij. Policia ushtroi kontrolle në lokalin në lagjen “16 prilli”, ku konstatoi se ishte përshtatur për përdorim dhe shitje kokaine në doza.
Në cilësinë e provës materiale, u sekuestruan 50 doza të lëndës narkotike kokainë, 250 euro të dyshuara të përfituara nga veprimtaria kriminale dhe 3 celularë.
I arrestuari përballet me akuzat: “Prodhimi dhe shitja e narkotikëve”, “Përshtatja e lokalit për përdorim droge” dhe “Nxitja për përdorimin e drogës”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
