Vatra e zjarrit në fshatin Zhamë në Lushnje vijon të jetë aktive. U raportua se do kishte ndërhyrje nga ajri për shkak të terrenit të vështirë por, deri më tani raportohet se ndërhyrja nuk është kryer, por në terren janë forcat zjarrëfikëse.
Ministria e Mbrojtjes njofton se edhe efektivët e Batalionit të tretë të Këmbësorisë të Forcës Tokësore, i janë bashkuar forcave zjarrfikëse të Lushnjës, Fierit, Divjakës, Roskovecit, Beratit në operacionin e fikjes së zjarrit masiv të rënë në kodrat e fshatit Zhamë të Lushnjës.
Policia e Lushnjës ka vënë në pranga një 58-vjeçar me iniciale R.Z pasi dyshohet se duke djegur mbeturinat, flakët janë përhapur në sipërfaqe të mëdha me ullinj dhe shkurre.
