Policia ka arrestuar drejtuesin e mjetit që shkaktoi një aksient me vdekje gjatë ditës së djeshme në Maliq.
Si pasojë e aksidentit humbi jetën 73-vjeçari me inicialet P.V.
Njoftimi i policisë:
Në vijim të informacionit paraprak të dhënë ditën e djeshme, për një aksident në aksin rrugor “Pogradec-Korçë”, ju informojmë se specialistët e Trafikut Urban dhe Interurban të DVP Korçë arrestuan në flagrancë shtetasin V. Xh., 51 vjeç, banues në Korçë, pasi duke drejtuar automjetin tip “Mitsubishi”, është përplasur me motomjetin tip “Lifan”, pa targa, me drejtues shtetasin P. V., 73 vjeç, banues në fshatin Zvirinë, Maliq, i cili si pasojë e përplasjes, ka humbur jetën.
