Partia Demokratike ka ankimuar në Komisionin e Ankesave dhe Sanksioneve vendimin e KQZ-së për të regjistruar Lulzim Bashën në zgjedhjet në Kukës me logon e PD-së. Në dokumentin drejtuar KAS, PD-ja kundërshton vendimin që KQZ mori një ditë më parë dhe kërkon që të ç'regjistrohet PDSH me përfaqësues Lulzim Bashën.
Po ashtu në shkresë kërkohet që PD-ja të regjistrohet me përfaqësues Sali Berishën. Në kërkesën ankimore jepen edhe arsyet se pse KAS duhet të hedhë poshtë vendimin e KQZ që regjistroi Bashën.
