Afati i regjistrimit në shkolla është shtyrë. Procesi i regjistrimit në vitin shkollor 2023-2024 për klasën e parë, gjimnaz ose shkollë të mesme të orientuar do të shtyhet deri në mesnatën e 4 Shtatorit.
Afati fillestar ishte përcaktuar 1 shtatori. Por sipas Ministrisë së Arsimit kjo shtyrje erdhi pasi rezultojnë ende nxënës të paregjistruar, sidomos në klasat e dhjeta. Me ndryshimet e reja këtë vit mund të shkojnë në klasën e parë dhe fëmijët që janë 5 vjeç, por që i mbushin 6 vjeç brenda 31 dhjetorit.
Ndërsa regjistrimi i nxënësve në shkollat e mesme profesionale dhe gjimnaz me kohë të pjesshme mbi 18 vjeç do të vijojë të mbetet i hapur deri më datë 30 Shtator. Ndërkohë,
nxënësit do rikthehen në bankat e shkollës më 11 Shtator.
