Zayn Malik është shumë i distancuar nga jeta publike, mirëpo këtë herë ka qenë nëna e tij që ka zbuluar shumë detaje mbi këngëtarin.
E ëma e yllit të ‘One Direction’, Trisha, foli për ‘MailOnline’ mbi statusin e marrëdhënies së Zayn pas ndarjes së tij në vitin 2021 nga supermodelja Gigi Hadid.
Trisha, e cila tha se Gigi ishte ‘vajza e shkëlqyer’, dhe se Zayn po e fokuson energjinë e tij në bashkë-prindërimin e Khai-t dhe nuk është i fokusuar në njohje të reja. Ajo shtoi:
“Energjitë e Zayn janë të përqendruara në të qenit një baba i mirë për Khai dhe punën e tij dhe kjo nuk do të ndryshojë së shpejti. Ai është një baba i mrekullueshëm, shumë i kujdesshëm dhe i dashur dhe i kushton shumë kohë vajzës së tij. Është ajo që i jep atij kënaqësinë më të madhe në jetë.
Ai është një djalë i bukur dhe shumë femra janë të interesuara për të, por asnjë nga këto nuk i intereson për momentin. Gjithçka ka të bëjë me Khai-n dhe më pas punën e tij.”
Ajo po ashtu foli edhe për raportin e tyre me Gigi-n.
“Gigi dhe Zayn janë prindër dhe marrëdhënia e tyre po funksionon shumë mirë. Ata janë të dy njerëz dhe prindër të mrekullueshëm. Gigi erdhi në Bradford vetëm një herë për të na vizituar kur ishte me Zayn dhe e gjithë gjëja u mbajt shumë e qetë. Ishte pak e çuditshme të kesh një supermodele në shtëpi, por ajo është shumë me këmbë në tokë. Ajo është një vajzë e mrekullueshme, unë ende e dua shumë dhe është për të ardhur keq që gjërat nuk funksionuan për ta, por kjo është jeta.”
Trisha zbuloi gjithashtu se ajo po planifikon të fluturojë për në Los Angeles muajin e ardhshëm, ku Zayn jeton për të festuar ditëlindjen e tretë të Khai-t. Duke folur për marrëdhënien e tyre të ngushtë, ajo tha:
“Unë flas me kamër me Khai-n të paktën dy ose tre herë në javë dhe është e mrekullueshme të kesh një marrëdhënie me të, edhe pse ajo është shumë larg. Për shkak të të gjitha telefonatave, ajo më njeh menjëherë. Mezi pres të shkoj në Los Angeles për të festuar ditëlindjen e saj dhe do të jetë bukur të kaloj pak kohë me djalin dhe mbesën time. Më mungojnë të dy, por Zayn ka jetën e tij tani në SHBA dhe po kënaqet si baba beqar”.
