Dwayne Johnson dhe Oprah Winfrey janë bashkuar dhe kanë nisur “The People Fund of Maui” për të ndihmuar njerëzit e Maui të prekur nga zjarret.
“Kam takuar njerëz në të gjithë komunitetin që u prekën nga zjarret gjatë javëve të fundit, duke pyetur se çfarë kishin më shumë nevojë dhe si mund të isha në shërbim,” tha Winfrey në një deklaratë.
“Gjëja kryesore që kam dëgjuar është shqetësimi i tyre se si të ecin përpara nën barrën e madhe financiare. Komuniteti është bashkuar në shumë mënyra të mrekullueshme dhe synimi im është të mbështes të prekurit teksa ata përcaktojnë se si duket rindërtimi për ta.”
Winfrey dhe Johnson kanë bërë një donacion fillestar prej 10 milionë dollarësh për Fondin Popullor të Maui, i cili u jep para drejtpërdrejt njerëzve dhe familjeve të prekura nga flakët. Gjatë kësaj kohe rikuperimi, çdo i rritur (18+) që jeton në zonën e prekur në Lahaina dhe Kula është i kualifikuar për të marrë 1200 dollarë në muaj.
Të tjerëve u kërkohet të kontribuojnë në këtë përpjekje të vazhdueshme ndihme përmes bamirësisë.
“Ndërsa njerëzit në mbarë botën shikonin humbjet dhe shkatërrimet katastrofike të shkaktuara nga zjarret në Maui, ata dëshmuan gjithashtu shpirtin e madh dhe qëndrueshmërinë e kulturës sonë polineziane dhe forcën e jashtëzakonshme të popullit të Maui-t,” tha Dwayne Johnson.
Krijimi i fondit u bë me udhëzime nga njerëzit e komunitetit, drejtuesit dhe banorët duke përfshirë Hōkūlani Holt-Padilla, Keali’i Reichel, Archie Kalepa, Ekolu Lindsey, Kimo Falconer, Tiare Lawrence, Kaimana Brummel, Kaleikoa Ka’eo, Brian Keaulana, Kaimi Kaneholani, Henohea Kāne, Paele Kiakona, Ed Suwanjindar, Shep Gordon dhe Jason Momoa.
