Miley Cyrus së fundmi ka kujtuar momentin më të paharrueshëm kur performoi me ikona të mëdha muzikore, të cilët e trajtuan atë si një “motër të vogël” gjatë performancës së tyre.
Në një video të re të TikTok për serialin “Used To Be Young”, Miley zbuloi se performoi me ikonat e pop-it, Beyonce dhe Rihanna, në Fashion Rocks në vitin 2008 dhe se si të dyja e ndihmuan atë gjatë gjithë shfaqjes.
Miley tha: “Ja ku jam si sanduiç mes Beyonce dhe Rihanna.”
“Ajo që mbaj mend më shumë nga bërja e kësaj shfaqjeje është se po qëndroja mes dy prej legjendave dhe ikonave më të mëdha që po i shikoja në atë kohë dhe ata më trajtuan si një motër të vogël gjatë gjithë kohës”, tha 30-vjeçarja.
Miley trajtoi ndikimin negativ të turneut tek ajo si muzikante.
Këngëtarja e ‘Wrecking Ball’ shpjegoi: “Të kesh çdo ditë marrëdhënien mes teje dhe njerëzve të tjerë si subjekt dhe vëzhgues nuk është e shëndetshme për mua, sepse fshin njerëzimin dhe lidhjen time. Dhe pa humanizmin dhe lidhjen time, unë nuk mund të jem kantautore, gjë që është prioriteti im”.
