Gjykata e Sarandës vendosi sot vijimin e zbatimit të masës së sigurisë ‘arrest me burg’ për Albi Mecinin, si personi i dyshuar për rrëmbimin e Leonard Theodhorit dhe Fatmir Sulovarit. Ngjarja në fjalë ka ndodhur 4 muaj më parë.
Mësohet se i riu nuk ka folur gjatë seancës para togave të zeza.
Albi Mecini u soll nga Fier drejt Sarandës nën masa të rrepta sigurie në Gjykatën e Sarandës. Mecini u arrestua pak ditë më parë me 2 çanta me 21 kg eksploziv, ndërsa për këtë vepër ndaj tij u caktua masa 'arrest me burg'.
